၎င်းက “အချင်းမဖြစ်ပွားခင် (၃) ရက်အတွင်း သူတို့အိမ်ကို ၀င်ထွက်ခဲ့တဲ့ လူတွေ၊ သူတို့ အိမ်ဖုန်း
နဲ့ မိသားစုဝင်တွေရဲ့ လက်ကိုင်ဖုန်းတွေကို ဆက်သွယ်ထားတဲ့ ဖုန်းပိုင်ရှင်တွေ၊ အဲဒီအထဲကမှ မသင်္ကာဘူးလို့ ထင်ရတဲ့ လူတွေရဲ့ ဖုန်းအဆက်အသွယ်တွေ စသဖြင့် လူအများကြီးကို ဖမ်းပြီး စစ်ဆေးနေရတယ်” ဟု ပြောသည်။
ဖမ်းဆီးစစ်ဆေးခံရသူများတွင် လက်ရှိဖုန်းနံပါတ် ပိုင်ရှင်ကို ရှာမတွေ့၍ မူလနာမည်ပေါက် ပိုင်ရှင် မှတဆင့် ဖုန်းလက်လွှဲရောင်းစားသူများနှင့် ပွဲစားများပါ ပါဝင်ကြောင်း သိရသည်။
အဆိုပါအမှုသည် ပြီးခဲ့သည့် မတ် (၃) ရက်က ရန်ကုန်မြို့ စိမ်းလဲ့ကန်သာလမ်း ခြံအမှတ် (၁၂၆) တွင် နေထိုင်သည့် ဦးချာလီ၊ ဒေါ်စန်းစန်းမြင့်၊ သမီးနှစ်ယောက်ဖြစ်သည့် မမြစန္ဒာ၊ မနှင်းပွင့်အေး နှင့် အိမ်ဖော်အမျိုးသမီးတဦး အပါအ၀င် စုစုပေါင်း (၅) ဦးကို သတ်ဖြတ်ကာ ဓားပြတိုက်သွား သည့်အမှုဖြစ်သည်။
“အမှုနဲ့ပတ်သက်ပြီး သေဆုံးသူ မမြစန္ဒာရဲ့ ခင်ပွန်း ဦးသုဇော်အပါအ၀င် ဆွေမျိုးအပေါင်းအသင်း (၁၃) ဦးကို တံခါးပိတ်စစ်ဆေးနေတယ်လို့ သိရတယ်” ဟုလည်း ရန်ကုန်တိုင်းရဲတပ်ဖွဲ့မှူးရုံးမှ ရဲအရာရှိတဦးက ပြောသည်။
အသတ်ခံရသူ ဦးချာလီနှင့် ဒေါ်စန်းစန်းမြင့်တို့သည် ယခင်က မြန်မာနိုင်ငံ၌ အချမ်းသာဆုံး စာရင်းဝင် နာမည်ကျော် မိုးကုတ်ဦးမြမောင်၏ အဆက်အနွှယ်များဖြစ်ပြီး လုံခြုံရေးထူထပ်စွာ ချထားသည့်နေရာတွင် သေနတ်ဖြင့်ပစ်သတ်၍ ဓားပြတိုက်သွားခြင်းကြောင့် လူအများက အထူးစိတ်ဝင်စားလျက်ရှိပြီး စစ်အစိုးရ၏ ဖော်ပြချက်အရ ကျပ်သိန်းပေါင်း (၂,၀၀၀) ကျော်
ဖိုးခန့် အတိုက်ခံခဲ့ရကြောင်း သိရသည်။
အမှုဖြစ်ပွားရာနေရာသည် လုံခြုံရေးထူထပ်စွာချထားသည့် အစိုးရဧည့်ဂေဟာနှင့် မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်၏ နေအိမ်တည်ရှိရာ အနီးတ၀ိုက်တွင်
ဖြစ်သည်။
ပြည်တွင်း ပုဂ္ဂလိကဂျာနယ်များအနေဖြင့် ယခုအမှုနှင့်ပတ်သက်ပြီး သတင်းရေးသားပါက အစိုးရပိုင်သတင်းစာများတွင် ရေးသားဖော်ပြသည်ထက် ပိုမိုဖော်ပြခြင်းမပြုရန် စာပေစိစစ်
ရေးက ညွှန်ကြားထားကြောင်းလည်း သိရသည်။ ။
| 
