ရန်ကုန်တွင် ယခုလနောက်ဆုံးပတ်မှစ၍ ဆိုင်ကယ်များကို လုံးဝစီးနင်းခွင့်မပြုတော့ကြောင်း ရန်ကုန်တိုင်း အေးချမ်းသာယာရေးနှင့် ဖွံ့ဖြိုးရေးကောင်စီ (တယက) က နိုဝင်ဘာ (၂၃) ရက် နေ့စွဲဖြင့် ထုတ်ပြန်ကြေညာသည်။
စီးနင်းခွင့်မပြုကြောင်းကို ရန်ကုန်တိုင်းအတွင်းရှိ အစိုးရ ဌာနဆိုင်ရာများသို့  ယင်းနေ့ ရက်စွဲဖြင့် အသီးသီးပေးဝေထားကြောင်း တယက မှ တာဝန်ရှိသူတဦးက ခေတ်ပြိုင်သို့ ပြောသည်။
“စာတွေ ပေးထားတယ်။ ပေးထားပါလျက်နဲ့ စီးနင်းတယ်ဆိုရင်တော့ ဆိုင်ကယ်ကို သိမ်းမယ်၊ လူကို ဥပဒေအရ အရေးယူမယ်၊ ထောင်ဒဏ်ထိ ကျခံရမယ်။ လောလောဆယ်တော့ ထောင်ဒဏ် ဘယ်လောက်လဲဆိုတာ ပြောဖို့ စောပါသေးတယ်” ဟု ၎င်းက ပြောသည်။
ပြည်ထဲရေးမှ ရဲအရာထမ်းတဦးကလည်း “ကျနော်တို့ဆီကို စာဝင်လာတယ်၊ ဒီအမိန့်ကို သိရှိပါတယ်ဆိုတာကိုတော့ ဆိုင်ကယ်စီးတဲ့ ၀န်ထမ်းတွေအားလုံး လက်မှတ်ထိုးရတယ်။ လိုက်နာပါ့မယ်လို့တော့ မဟုတ်ဘူး၊ သိရှိပါတယ်ဆိုတာကို လက်မှတ်ထိုးရတာပါ” ဟု ရှင်းပြသည်။
အဆိုပါအမိန့်တွင် မည်သည့်အကြောင်းပြချက်နှင့်ဖြစ်စေ လုံးဝ မစီးနင်းရဟု ပါရှိကြောင်း ရန်ကုန်တိုင်း ယာဉ်စည်းကမ်းထိန်းသိမ်းရေး ကြီးကြပ်မှုကော်မတီမှ အရာရှိတဦးက ပြောသည်။
ရန်ကုန်မြို့တွင် စစ်တပ်စီးဆိုင်ကယ်ကို စစ်ရောင်ပြောင်းကာ ရဲနှင့်ဌာနဆိုင်ရာတို့ စီးနင်းမည့် ဆိုင်ကယ်များကို သုံးဘီးကားရောင် (လိမ္မော်) အဖြစ် ပြီးခဲ့သည့် သြဂုတ်လအတွင်းက သတ်မှတ်စီးနင်းခွင့်ပြုထားခဲ့ခြင်းဖြစ်သည်။
ယခုအခါ စီးနင်းခွင့်မပြုကြောင်း အမိန့်စာတွင် ဆိုင်ကယ် (၂၀၈) စီးကိုသာ စီးနင်းခွင့်ပြုထားသည်ဟု ဌာနဆိုင်ရာအသီးသီးသို့ ပေးပို့သော အသိပေးအကြောင်းကြားစာတွင် ပါရှိကြောင်း သိရသည်။
ယာဉ်ထိန်းရဲတပ်ဖွဲ့ဝင်တဦး၏ ပြောပြချက်အရ မူလက ရန်ကုန်တိုင်း စည်ပင်သာယာ နယ်နိမိတ်အတွင်းတွင် စစ်တပ်၊ ရဲနှင့် ဝန်ထမ်းအချို့ကို ဆိုင်ကယ် စီးနင်းခွင့်ပြုထားခဲ့သည်မှာ စုစုပေါင်း အစီးရေ (၈ဝဝ) ကျော် ရှိကြောင်း၊ သို့သော် နားလည်မှုဖြင့် စီးနင်းနေသော ဆိုင်ကယ်စီးရေမှာ (၃,ဝဝဝ) ကျော်ရှိကြောင်း၊ ဆိုင်ကယ် အများဆုံးအသုံးပြုသူတို့မှာ ရဲ၊ မယက၊ ရယက၊ ကြံ့ဖွံ့နှင့် ဌာနဆိုင်ရာ ဝန်ထမ်းတို့ဖြစ်ကြောင်း သိရသည်။ |
